En Direct | Premye Okazyon | 14 Septembre 2021

Premye Okazyon | 14 Septembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1- San okenn sipriz, Ariel HENRY kontinye ap batay pou yon egzekitif avèk li menm sèl kòm premye minis. Nan yon akò ki siyen ofisyèlman, samdi 11 septanm pase-a, aktyèl premye minis la-a prevwa mete kanpe yon nouvvo konsèy elektoral pwovizwa, epi òganize eleksyon jeneral nan peyi-a avan fen ane 2022 a.
Ki sa ki genyen kòm gran pwen nan akò sa-a, ki jwenn benediksyon divès pati ak regwoupman politikki te nan opozisyon ak Jovenel MOISE yo, pa mi yo, sektè demokratik ak popilè-a ? Johnny FERDINAND ap gen pou prezante-n yon pa pye nan jounal la-a.

2- Pandan tan sa-a, komisyon pou chèche yon solisyon ayisyèn nan Kriz la, ap gen pou chita pale ak Premye minis De facto, Ariel HENRY nan jou k ap vini la yo.
Aprè li te fin resevwa yon envitasyon primati nan dat 10 septanm lan, komisyon an pwopoze pou rankontre doktè HENRY ant jedi 16 oubyen vandredi 17 septanm, nan lide pou prezante-l akò sosyete sivil la.

3- « Akò Ariel HENRY a pran charye dèyèl, anpil nan revandikasyon popilasyon an. » Se deklarasyon pòt pawòl sektè demokratik ak popilè-a te konn ap konteste dezinyasyon Ariel HENRY kòm premye minis li te kalifye kòm yon chèf gouvènman defakto.
Sektè demokratik ak popilè siyen wikenn pase-a, akò aktyèl premye minis la-a, kote yo menm sanble abandone prezidan pwovizwa Joseph Mécène JEAN-LOUIS ki te endispansab pou li nan premye pati mouvman. Nap gen poun swiv yon anwobe avèk Lydie ALEXANDRE nan jounal la-a.

4- Asasina Jovenel MOISE, Pwotektè sitwayen an, mèt Renan HEDOUVILLE, li menm tou reklame demisyon demisyon san kondisyon premye minis Ariel HENRY.
Pou jistifye pozisyon li an, Renan HEDOUVILLE baze sou relve telefonik ki pwouve doktè Ariel HENRY ak Joseph Félix BADIO te diskite nan jou asasina Jovenel MOISE la-a.

5-Pandan tan sa-a, premye minis Ariel HENRY envite pou-l vin reponn kesyon nan pakè pòtoprens madi 14 septanm lan, nan kad ankèt sou asasina Jovenel MOISE.
Gras ak anrejistreman apèl telefonik yo li te resevwa nan men konpayi Digicel, pakè potoprens konfime Ariel Henry te pale pandan 3 minit ak Joseph Felix BADIO, a 4è 03 nan maten, nan dat 7 jiyè 2021, jou asasina ansyen prezidan an.

6- Dosye DERMALOG, sèten òganizasyon ak la près peyi Allemagne ap fè ankèt sou firm DERMALOG la ki sanble iltilize trafik enfliyans , menm jan sa te fèt pou Ayiti yon fason pou ranpote kontra san okenn apèl dòf. Dapre òganizasyon sitwayèn pou yon nouvèl AYITI.
Dapre dirijan OCNH la, mèt Camille OCCIUS di li konprann Firm DERMALOG la ap benyen nan koripsyon nan tout peyi kote li pase pou benefisye kontra ilegal.

7- Manifeste jounen lendi 13 sektanm 2021 nan kapital la pou mande liberasyon polisye Saint-Jean SAINT-PHILIPPE ki jwenn arestasyonl Jedi pase a pandan li al Chache chèk li nan direktè jeneral a.i PNH la-a..
Pwotestestatè yo ki fè konnen polisye-a pa manm sendika ,mande ak otorite nan lapolis yo pou vinnn ak bonjan prév ki montre montre Saint-Jean Saint-Philippe se manm sendika.

8- Epi Nan dosye espesyal nou jodia, Marc Guerson PHILISTIN ap prezante nou Dave NOEL, yon ti gason 13 lane kap vann sirèt nan bus pou reponn ak bezwen li yo.Adolesan an ki pa gen ni manman ak papa, ap domi kay yon vwazen nan komin kafou.
Dave NOEL ki gen 2 lane depi li pa ale lekòl, ta renmen moun ki pou edel fe sa.

Réalisation et mise en ligne : Mysuel THIMOTHÉE & Josué JACQUELIN