En Direct | Premye Okazyon | 15 Décembre 2021

Premye Okazyon | 15 Décembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Eksplozyon yon kamyon kite chaje ak gazolin nan kap ayisyen – 75 moun mouri kankannen ladan yo 60 mouri sou plas ,15 lot al mouri sou kabann lopital .
Sa se antouka denye bilan pwovizwa trajedi sa ki rive nan kafou samari ,vil okap ,lannwit 13 pou louvri 14 desanm 2021 an.
Majorite moun ki blese oubyen boule yo ap resevwa swen nan lopital justinien kap ayisyen ,lopital mibale (hench( ak medsen san fwontye potoprens .

2.- Genyen mwayen lajan ki pral debloke rapid pou kapab vine de viktim dram kap ayisyen an ,dapre deklarasyon premye minis Ariel Henry kite twouve li nan 2zyem vil peyi a aye madi a .
Dr Ariel Henry ki anonse gouvenman pral dekrete 3 jounen dey nan memwa viktim yo anonse yo pral organize fineray nasyonal pou viktim yo .

3.- Reyaksyon sou Trajedi ki rive nan vil kap ayisyen an –
Plizye pitit depatman no a kap viv nan potoprens oubyen nan dyaspora di yo choke apre plizye dizen moun mouri kankanen lannwit 13 pou louvri 14 desanm nan .
Se tristes ,dezolasyon lakay sitwayen ki soti nan dezyem vil peyi a .
Si seten ladan yo denonse absans leta ,seten lot mande solidarite tout moun pou ede fanmi sila yo kap konnen yon moman difisil .Nap gen poun swiv yon repotaj ak Peterson Luxama.

4.- Nan podepe,lokalite deletan , 2 moun mouri kankannen aswe madi a nan moman yon gwo dife te eklate nan yon kay kote yo te sere gazolin . Pami moun ki mouri yo yon tibebe .
Se pa premye fwa dife ap eklate nan depatman sa akoz endividi ki pran plezi yo nan sere gazolin lakay yo .Nap gen plis detay ak Roc Juvens Clavel .

5.- Bandi kidnape lendi 13 desanm nan ,yon tranten pasaje abo 2 pikop ki asije traje gonayiv-podpe . Zak sa rive nan lokalite tibwadom, komin gwomon ,depatman latibonit .
Antretan nou aprann bandi achte lajan kontan zon lakwa peris ki twouve li nan antre sud vil gonayiv.Bandi ap opera jan yo vle nan zon sa , pou jounen madi a plizye moun blese apre endividi ak zam te atake yon tibus ki tap pase sou wout la.

6.- Nèg ak zam yo pa rive idantifye kidnape 2 pwofesè fakite syans , Jean Raoul Monplesir ak madanm li Roberte Monplaisir ,Lendi 13 desanm nan zòn avenue Christophe pa two lwen lise Jean Jacques.
Etidyan nan fankite syans yo ki kondane zak kidnapin sa, egzije san kondisyon liberasyon pwofesè yo.
Etidyan yo mande pou otorite yo pran tout dispozisyon nesesè pou kwape fenomèn ensekirite ak zak kidnapin yo, yon mannyè pou asire sekirite popilasyon an.

7.- Nan rantre sud capital la sitiyasyon an toujou rete konplike kote neg zam detounen plizye kamyon machandiz epi kidnape dives moun kitap sikile nan machin prive yo –
Jiskaprezan se taksi motosiklet kap aisre transpo a depi fontamara 43 ,pase zon st jude pou tonbe potay leyogan .
Yon veritab kalve pou pasaje yo ki non Selman app eye yon kantite lajan men tou eskpoze anba aksidan sikilasyon akoz pousye ak move woout . nap gen poun swiv yon repotaj ak Jean georges Blaise .

8.- lapolis nasyonal dayiti mete anba kod chef gang te nwa nan site soley,ki rele Cathel Jones ,yon alye G9 anmenmtan adjwen li a Angelo Mahotiere .
Se DCPJ –Bri ki mennen operasyon sa nan zon kazo aye madi a kote lapolis rekipere pandan operasyon sa yon fizi daso, 2 chaje , yon machin Nissan ak 4 telefon potab . 2 prezime bandi sa yo pou kounya ap reponn kesyon DCPJ pou enplikasyon prezime yo nan dives ka anlevman ak asasina . Fok nou di bandi 400 mawozo te anvayi zon kwademisyon,shada ak santo . Pa gen twop detay sou kantite moun ki ta mouri oubyen blese .

9.- Dosye ki gen pou we ak ekstradisyon Samir Handal nan peyi dayiti ale jwenn minister lajistis depi 22 novanm pase a .
Depi dat sa pa gen okenn swivi ki fet nan nivo ministe a pou pemet leta ayisyen transmet bay otorite Turk yo ,yon seri dokiman yo reklame ,yon fason fasilite yo voye tounen ayiti Samir handal ki selon DCPJ gen men li tranpe nan asasina prezidan jovenel MOISE .

10.- Pa gen okenn volonté reyèl bo kote gouvenman sa pou arete moun ki gen men yo tranpe nan asasina prezidan Jovenel Moise la, Deklarasyon Claude Joseph , jij enstriksyon an , Gary Orelien pat rive odisyone aye madi a akoz mouvman foul moun kite akonpaye ansyen premye minis la .
Ansyen minis afè etranjè a ki konsyan volonté jij enstriksyon an ka genyen pou fe anket la abouti , raple gen yon blokaj politik .
Ansyen premye minis la kwe ta gen lyen ant revokasyon li nan gouvenman ak Samyr Handal li te ede arete nan peyi turki 15 novanm pase a , e ki jiskaprezan poko ka transfere nan potoprens akoz swivi yo ki pa janm fet.

Rédaction : Ganito FRANÇOIS.
Réalisation & mise en ligne : Mysuel THIMOTÉE.