En Direct | Premye Okazyon | 15 Novembre 2021

Premye Okazyon | 15 Novembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.-Lapolis nasyonal dayiti rekipere aye dimanch la yon pikop kolorado nwa plak IT 06985 epi sezi yon fizi daso AR 15 nan nivo delma 65 . Youn nan endividi ki te abo machin sa mouri nan echanj kout zam ak lapolis .
Sant ranseyman ak operasyon (CRO) te mete alet sou machin sa kise pou oganizasyon Food for the poor .
Machin sa te rete nan men yon gwoup bandi apre yo te fin kidnape yon anplwaye food for the poor 14 oktob 2021 nan tomasen 29 , li ta pral libere kont ranson 20 jou apre . Lapolis jwenn abo machin sa tou yon inifom PNH la ak plizye plak machin pami yo yon plak sevis leta SE -02 235 .

2.- Lapolis nan depatman sud peyi a nan kad yon Operasyon libere Marie Saint-Victor vandredi pase a nan lokalite Sinai ,nan komin koto .
Pandan Operasyon sa 3 manm gang sa mouri nan echanj kout zam ak lapolis ,2 fizi ak yon manchet sezi ,dapre pot pawol polis sud la,Pierre Yves Lessage .

3.- Jodi a fe egzakteman 8 jou depi bandi te kidnape Adrienne Syvrain ,77 lane , nan lokalite dyonet ,6zyem seksyon kominal aken lanwit 7 pou louvri 8 novanm 2021 pase a .
Ravise yo egzije 500 mil dola ameriken pou libere pesonaj la ki se yon moun malad ,dapre youn nan pitit gason li yo,Elinor Roge .Bandi te déjà kidnape Adrienne Syvrain nan mwa desanm 2020 ,men gras ak vijilans popilasyon an yo te oblije abandone li sou wout .

4.- Sitiyasyon an toujou rete konplike nan komin kwadebouke kote lapolis te nan twoke kon ak bandi 400 mawozo yo wikenn pase a .
Swit ak yon tyek pwent lapolis nan nivo kwadebouke zon kota 50 vandredi pase a rive rekipere 2 machin gran vitara kite gen abo yo prezime bandi ki soti blese nan echanj kout zam ak lapolis.
Depi plizye jou se gwo kout zam kap chante nan komin kwadebouke kote gwoup gang 400 mawozo ap teworize popilasyon an . Lapolis nasyonal pa konfime si efektivman lanmo san100 ta youn pami bandi ki blese pandan operasyon sa .

5.- Anba lavil potoprens ki te konn abitye plen moun kap okipe zafè yo chak jou, depi kèk tan, li prèske tounen yon veritab dezè.
Yon sitiyasyon ki vini apre nèg ak zam pa sispann pete bal gran jounen nan zòn sa-a epi pran plezi nan ransone timachan ak gwo komesan yo .
Depi nan blòk channmas, pou rive sou bisantnè, se menm imaj la. Fenomèn enserite a kap vale teren depi kèk tan nan kat kwen peyi-a, pouse do tout machann, bòs mekanisyen, moun kap vann pyès machin, moun ki konn abitye chache lavi anba lavil la, oblije chape poul yo.
Joe Antoine JEAN-BAPTISTE tal founi je gade koman sa ye. Lap prezante n yon papye espesyal nan jounal la-a.

6.- Monte fènomèn ensekrite ak kidnapping nan ki pa sispann fè viktim nan peyi-a, bay òganizasyon kap defann dwa moun yo gwo kè kase .
Dapre kolektif Défenseurs PLUS, popilasyon an ap fè fas ak yon kantite pwoblem tankou lavichè, lamizè, rate gaz, san konte goud la ki pa sispann pèdi valèl devan dola-a.
Ko-dirèk Défenseurs PLUS la-a, Antonal MORTIME mande otorite konsène yo pou pran bon jan mezi pou pèmèt popilasyon kapab ale nan aktivitel yo san kè sote.

7.- Pwoblem rate gaz la poko fin rezoud piske se toujou gwo liy machin ki genyen nan ponp yo ,kek jou apre federasyon gang ak zam yo te anonse yon trev .
Teminal varreux a komanse bay gaz depi vandredi kote plizye kamyon siten tal ranpli ,se preske menm sitiyasyon an nan teminal Thor a,nan komin kafou kote anpil chofe kamyon gaz kontinye ap ravitaye .Sepandan se toujou gwo anbouteyaj nan seten ponp nan zon gran sud peyi a .
Majistra kafou a,Jude Edouard PIERRE pwopoze leta pou santral pou ta ranfose kapasite teminal thor a epi desantralize sevis la ,yon fason pou evite pwoblem sa repete nan peyi a .

8.- bank komesyal yo ap reprann ore nomal yo apati jodi a ,dapre yon not asosyasyon pwofesyonel bank yo ( APB) .
Akoz rate gaz ki te genyen sou mache a ,bank komesyal yo menmjan ak diferan lot sekte te oblije femen pot yo oubyen fonksyone 3 jou nan semen nan .

9.- Kabinè avoka ki pote non Basoche Law firm k ap defann Guy PHILIPPE, deside entante yon aksyon an reparasyon, devan lajistis kont leta ayisyen , an favè ansyen chèf rebèl la, ki nan prizon kay Tonton Sam pou trafik dwòg.
Mèt Louicher Jean JOSEPH anonse pral gen plent ki depoze kont Sogebank pou konplisite. Avoka-a estime leta ayisyen vyole konstitisyon an lèl chwazi arete Guy PHILIPPE epi voyel nan peyi Etazini.
Basoche Law firm mande ministè finans pou peye Guy PHILIPPE salè li kòm senatè repiblik.

Rédaction : Ganito FRANÇOIS.
Réalisation & mise en ligne : Mysuel THIMOTÉE.