En Direct | Premye Okazyon | 15 Septembre 2021

Premye Okazyon | 15 Septembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1- Revokasyon mèt Bedford CLAUDE kòm komisè gouvènman pòtoprens la-a pou fot administrativ grav.
se mèt Frantz Louis JUSTE ki ranplasel. Kote minis enteryè-a, Liszt QUITEL ki enstalel nan pòs li, aprè midi madi-a. Nap raple Bed Ford Claude revoke swit ak envitasyon epi mezi entediksyon depa kont premye minis Ariel HENRY, ki ta enplike Nan asasina ansyen prezidan Jovenel MOISE.

2- Dezakò total nan mitan ekip gouvènmantal la-a. Lagè deklare ant Ariel HENRY, Rénald LUBERICE, Rockfeller VINCENT et Bedford CLAUDE.
Si sekretè jeneral konsèy minis la-a akize premye minis Ariel HENRY kòm kwa li ta enplike nan asasina ansyen prezidan Jovenel MOISE epi egzije demisyonl, minis jistis ak sekirite piblik la-a, sou bò pal ekri direktè jeneral polis nasyonal la-a, poul raplel, li se chèf li, kote li pa gen dwa prann òkenn lòd ki soti nan Konsèy Siperyè Polis Nasyonal la-a (CSPN).

3- Ansyèn premyè dam Martine MOISE dwe prezante devan cham kriminèl la-a, nan palè jistis pòtoprens, nan dat 20 septanm kap vini la-a…
Se sou demand jij enstriksyon Garry ORELIN, nan kad anèt lap mennen sou asasina maril, ansyen prezidan Jovenel MOISE. Jij ORELIEN te asrese demand sa bay komisè gouvènman jiridiksyon an.

4- « Menm si Ariel HENRY te pale nan telefon ak Joseph Felix BADIO, sa pa vle di li enplike nan asasina ansyen prezidan Jovenel MOÏSE, » nou tap site deklarasyon sekretè egzekitif RNDDH la Pierre ESPERANCE. Toutfwa, Defansè dwa moun nan fè konnen pa gen okenn moun ki sou tèt la lwa, lajistis ka tande tout moun nan kad dosye-a, sitou Joseph Felix BADIO ki se yon eleman enpotan nan ankèt la-a.

5- Patizan li yo kontinye ap reklame jistis pou ansyen chèf leta. Madi 14 septanm nan ankò, yo te plizyè dizèn ki te manifeste devan ministè lajistis ak sekirite piblik la-a.
Yon lòt bò, pwotestatè yo eksprime soutyen yo ak Rockfeller VINCENT, kote yo menm lonje dwèt sou premye minis Ariel HENRY nan asasina Jovenel MOISE, pandan yo mande chèf gouvènman pou mete disponib pou lajistis.

6- Pa genyen òkenn akò politik kap siyen, san li pa enplike sektè kolektivite teritoryal la-a. Se pozisyon Federasyon Nastonal Majistra yo. Kolektivite yo pi gwo moso pou rekanpe peyi-a dapre responsab FENAMH yo.
Ala tèt Federasyon an mande tout majistra rete mobilize, paske yo pare pou konbat kelkeswa akò ki jwenn san patisipasyon kolektivite-a.

7- Kolektif edikatè pou renouvo edikasyon an ayiti (CEREH) manifeste jounen 14 septanm nan devan lokal ministè edikasyon nasyonal la nan delma 83.
Objektif mouvman sa se pou kontinye egzije lajan plis pase 5 lane salè pwogram PSUGO yo di leta dwe yo ak lajan sibvansyon Covid-19 la leta te pwomèt direktè lekòl ak pwofesè yo san bliye sibvansyon ministè edikasyon nasyonal te pwomèt pwofesè lekòl viktim nan katye defavorize yo.

Réalisation et mise en ligne : Mysuel THIMOTÉE