En Direct | Premye Okazyon | 16 Décembre 2021

Premye Okazyon | 16 Décembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- 15 ,16 ak 17 desanm deklare jou dey nasyonal atrave tout peyi a swit ak eksplozyon kamyon siten sa ki te ranpli ak gaz ,nan dezyem vil peyi a kap ayisyen . Arete sa pran apre yon konsey minis yo kote gouvenman dekrete 3 jounen dey nasyonal pou onore memwa plis pase 60 moun ki mouri kankannen.
Nan okazyon an drapo peyi a ap gen pou monte a demi ma ,disko ,bwat denwi yo ak lot kote ki konn jwe mizik yo ap femen ,radio ak televizyon yo envite pou pwograme emisyon espesyal epi pase mizik ki reponn ak moman .

2.- Denye bilan pwovizwa dram sa 70 moun mouri pami yo 65 ki mouri souplas epi 5 lot yo mouri sou kabann lopital , san konte yon 50 ten moun ki boule kap rsevwa swen nan dives lopital , dapre DG MSPP a, Laure Adrien ki sou plas nan vil kap ayisyen .
Antretan lameri kap ayisyen tanmen yon operasyon kraze kay ki te boule nan dram nan katye zamari ,nan rantre es vil kap ayisyen . OMS –OPS déjà komanse pote materyel ak mediman pou panse moun ki boule yo .

3.- Reyaksyon sou Trajedi ki rive nan vil kap ayisyen an –
Plizye pitit depatman no a kap viv nan potoprens oubyen nan dyaspora di yo choke apre plizye dizen moun mouri kankanen lannwit 13 pou louvri 14 desanm nan .
Se tristes ,dezolasyon lakay sitwayen ki soti nan dezyem vil peyi a .
Si seten ladan yo denonse absans leta ,seten lot mande solidarite tout moun pou ede fanmi sila yo kap konnen yon moman difisil .Nap gen poun swiv yon repotaj ak Peterson Luxama.

4.- “sèvis jiridik ministè komès ak endistri pa gen dwa pou anrejistre okenn entrepriz ponp gazolin jiska nouvelòd “,dapre anons Ricardin St Jean .
Minis komes ak endistri a di yo pran desizyon sa pou evite ponp gazolin kontinye donnen kou djondjon anndan peyi a. Toutfwa, Ricardin St Jean fè konnen enstalasyon ponp gaz nan nenpòt zon li ye a pa depann de ministè komès, menm si se yo menm ki bay otorizasyon pou antrepriz yo fonksyone sou tèritwa nasyonal.

5.- Antretan – Komes gaz la ap rapouswiv ate nan lari a malgre dives mezi otorite yo nan leta anonse ,yon fason pou ta frennen dezod sa .
Se tankou dyondon ponp gazolin ap pouse nan peyi a ,anpil nan y opa respekte okenn nom ak prensip ,dapre konsta seten sitwayen nan lari a .
Yo lage responsablite dram ki rive nan dezyem vil peyi a sou do dirijan yo nan leta ki kontinye ap aji tankou ponpye .nap gen poun swiv yon repotaj ak
Jean Georges Blaise

6.- “État des droits humains en 2021″ hégémonie des gangs et hausse de la criminalité”. se tit denye rapò sant analiz ak rechèch mete deyò mèkredi 15 desanm 2021an .
Nan rapò sa a CARD prezante Yon tablo akablan sou sitiyasyon dwa moun an Ayiti kote yo resanse 200 gwoup neg ak zam epi 949 ka anlevman pami yo 55 gen pou we ak resotisan etranje .
Dwa sekirite, respè ak entegrite popilasyon an pa sispann banalize, daprè defansè dwa moun an met Gédéon Jean .

7.- Anviwon 11 mil polisye diferan inite espesyalize pral mobilize nan kad yon plan sekirite nasyonal pandan fet fen lane a .
Plan sa demare depi 3 desanm pou rive 3 janvye 2022 ,li vize ranfose patwouy yo prensipalman nan zon riske yo ,dapre pot pawol PNH la .
Garry Desrossiers ajoute gen lot operasyon kap kontinye yon fason pou pemet popilasyon an sikile san pwoblem .

8.- Gwo mouvman tansyon nan komin belade –
Yon gwoup moun nan mitan popilasyon an mete kawotchou ak dife devan komisarya, biwo ladwan , edh ak tribunal de pe a swit ak asasin Evens Raphael ,yon jenn gason 23 lane. Ensidan sa rive lannwit dimanch pou louvri lendi pase a.
Paran viktim nan akize 2 polisye CIMO ki anvan sa te nan bouch louvri ak viktim nan kom moun ki ta komet krim sa .
Yon rankont dewoule jounnen mekredi a ant diferan konse yo ,yon fason pou we koman yo yo kapab rive rezoud pwoblem nan, dapre yon konfre nan radio Atlantik Jean Mullet Barthelmy .

9.- Arete nominasyon 3 nouvo direkte jeneral kapab pibliye pa two lontan – Ronald Joseh (FNE)Renold Guerrier pou ONI ak Jean Herold Morose pou EDH .
Nou aprann tou gen yon dizen lot direkte jeneral ki kapab nome nan jou kap vini yo .

10.- Ansyen direkte jeneral PNH la,Leon Charles ,reponn kesyon jij enstriksyon an ,Gary Orelien ,ki chaje pou Mennen anket sou dosye asasina prezidan Jovenel MOISE la. Yon lot lakou dapel potoprens odone liberasyon ansyen polisye- pot pawol Abelson gros-negre .
Arete depi 27 mas pase a ,Abelson Gros-Negre te gen akizasyon sou dol komkwa li se manm gwoup fantom 509 .

Rédaction : Ganito FRANÇOIS.
Réalisation & mise en ligne : Mysuel THIMOTÉE.