En Direct | Premye Okazyon | 17 Septembre 2021

Premye Okazyon | 17 Septembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1- Genyen 2 nouvo varyan Covid-19 la ki detekte asou teritwa nasyonal la-a. Dapre ministè sante piblik ak popilasyon, se varyan Delta ak MU.
Fas ak nouvèl fòm sa virus la-a pran, otorite sanitè yo envite popilasyon an kontinye kenbe epi aplike jès baryè yo.

2- Doub enstalasyon nan administrasyon piblik la-a, jedi 16 septanm 2021 an. Alòske direktè kabinè premye minis la-a enstale Litz QUITEL kòm nouvo minis jistis a.i ki ranplase nan pòs sa, Rockfeller VINCENT, Ariel HENRY, yon lòt bò, envesti, mèt Josué PIERRE-LOUIS, kòm nouvo sekretè jeneral konsèy minis yo. Mèt PIERRE-LOUIS li menm ranplase nan pòs sa-a, Rénald LUBERICE ki tap koupe rache sou administrasyon Joevenel MOISE la-a.
Nap raple nouvo minis jistis la, Litz QUITEL, se li menm ki an menm kontinye genyen pòtfèy minis enteryè an atandan.

3- Sektè Demokratik ak Popilè-a kriye viktwa apre konfimasyon revokasyon ansyen minis ak sekirite piblik, Rockfeller VINCENT, ansyen komisè gouvènman pòtoprens la-a, mèt Bedford CLAUDE.
SDP asime responsabilite premye minis Ariel HENRY pran pou ranvwaye moun sa yo pou satisfè sèten nan egzijans yo.

4- Biwo Komisyon Swivi Akò montana-a prèske fin mete kanpe. Kidonk, majorité sektè yo deja chwazi reprezantan yo, daprè divès manm ki siyen akò sa-a.
Se yon ansanm pèsonalite kredi epi onèt kap gen pou fè pati komisyon sa-a, dapre siyatè dokiman sa-a, ki lonje dwèt sou yon sektè ki kontinye ap fèt tout mannèv pou kraze akò sa-a.

5- Kriz politik. Core Group pote soutyen li bay premye minis Ariel HENRY epi salye jefò chèf gouvènman fè ak divès lòt aktè politik yo ak sosyete sivil pou rive jwenn yon akò enklizif, nan lide pou rive abouti ak òganizasyon pwochèn konpetisyon elektoral yo nan peyi-a.
Yon lòt bò, manm estrikti diplomatik la-a pwofite renouvle yon apèl bay otorite konsène yo, pou pèmèt limyè fèt sou asasina ansyen prezidan Jovenel MOISE.

6- Demisyon majistra enstriktè Rénord REGIS ki ache pou mennen ankèt sou dosye asasina batonye lòd avoka pòtoprens la-a, mèt Monferrier DORVAL.
Jij enstriksyon an remèt demisyon li bay Konsèy siperyè pouvwa Jidisyè-a (CSPJ). Pou jistifye desizyon sa-a, jij Rénord REGIS raple sa li rele « ses déboires et sa déception » nan kad dosye sa-a.

7- Alòske li konvoke devan chanm kriminèl pou 20 septanm 2021, nan kad asasina Maril, ansyèn premyè dam Martine MOISE renouvle yon lòt fwa ankò volonte l pou poze kandida pou pòs Prezidan nan pwochèn eleksyon yo an Ayiti.
Nan yon nouvèl interview li bay « Local 10 News », yon medya ki baze an Floride Ozetazini, Madan ansyen Prezidan defen an di li pa prè poul kite vizyon ak misyon mari l mouri. Martine Moïse ki di lit e resevwa ant 7 a 8 bal nan jou asasina a, anonse lap gen poul tounen an Ayiti, aprè li fin retabli l.

8- « En protégeant la couche d’ozone, nous sauvons la terre », se anba tèm sa ministè anviwonman selebre jounen entènasyonal pwoteksyon kouch dozón lan jedi 16 septanm lan.
Se te okazyon tou pou ministè a mete bout nan pwogram ki rele 15zèn de l’ozone li tap oganize avan selebrasyon jounen mondyal la.
AYITI-Kriz politik-Akò/ Brèv
Akò soti kriz. Core Group salye jefò premye minis Ariel HENRY al diferan aktè ki enplike nan kriz la-a fè pou rive jwenn yon antant pou rive rezoud kriz la-a.
Nan yon kominike ki soti mèkredi 15 septanm nan, Core Group pote soutyen li bay premye minis Ariel HENRY epi salye jefò chèf gouvènman fè ak divès lòt aktè politik ki enplike nan kriz la ak sosyete sivil pou rive jwenn yon akò kote tout moun ladann, nan lide pou rive abouti ak òganizasyon pwochèn konpetisyon elektoral yo nan peyi-a.
Yon lòt bò, manm estrikti diplomatik la-a pwofite renouvle yon apèl bay otorite konsène yo, pou pèmèt limyè fèt sou asasina ansyen prezidan Jovenel MOISE.

Réalisation et mise en ligne : Mysuel THIMOTÉE