En Direct | Premye Okazyon | 20 Octobre 2021

Premye Okazyon | 20 Octobre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.-Jandamri peyi kanada konfime yap travay nan tet kole ak lapolis nasyonal dayiti epi peyi etazini nan kad anlevman 16 misyone ameriken ak yon kanadyen samdi pase a ,nan komin kwadebouke .
Pami otaj yo genyen 5 timoun ak 12 lot moun ki fe pati misyon sa ki baze nan eta Ohio,nan midwest etazini ,dapre sa jounal EFE rapote .
Gang 400 mawozo egzije 17 milyon dola US pou libere 17 otaj yo, dapre chèn amerikèn CNN ki bay enfòmasyon sa , kote li site deklarasyon yon wo fonksyonè Ayisyen fè nan Wall Street Journal.

2.-« Genyen risk pou sitiyasyon sekiritè peyi-a vin pi grav toujou » Se konklizyon ansyen kolonèl Himler REBUT kif è bon jan analiz fenomèn banditis ki lye avèk kidnaping nan peyi-a depi kèk tan.
Ansyen ofisye nan fòs lame dayiti-a dekonseye tout entèvansyon militè ameriken pou tante libere 17 misyonè gang 400 mawozo kidnape yo. Ansyen kolonèl la pa mete dlo nan bouch li pou fè konnen se peyi etazini ki pwofite de fenomèn kidnapin, pwiske dape sal di, Etazini fè pat gwo konplo kip a sispann fèt kont peyi-a.

3.-Fakilte syans ekonomik ,sosyal ak politik inivesite notre dame dayiti mande liberasyon rapide pi san kondisyon pwofese Patrice Derenoncourt bandi kidnape depi samdi 16 oktob pase a .
UNDH ki denonse zak kidnapin pwofese a mande leta ayisyen ,klas politik la ak kominote entenasyonal la pou asime responsabilite yo .
Yon patwouy BLTS Nan moman kidnapin sila tap fèt ,te tante anpeche zak malònèt sa kote youn nan ajan yo te mouri nan ecganj kout zam epi yon lot te soti blese.

4.-Manman ak pitit paste Jean Pierre Ferrer Michel,prensipal responsab legliz jesus center ,bandi te anlve 3 oktob pase a ,mande solidarite tout moun ,yon fason pou jwenn liberasyon papa li .
Kidnape depi plis pase 16 jou, fanmi paste a ki gen 78 lane enkyete anpil pou lavi paste a ki déjà gen yon sante frajil . Malgre fanmi an bay yon premye ranson ,ravise yo toujou poko vle libere paste Jean Pierre Ferrer Michel ak Wiener Normand yo te kidnape menm jounen 3 oktob la .

5.- Trafik zam nan fonds-verettes. Sant Karl LEVEQUE mande otorite yo pou pran dispozisyon ,yon fason pou konbat pratik sa-a, kote ayisyen ap founi dominiken yo pwodwi alimantè epi dominiken yo ap founi yo zam gwo kalib.
Daprè direktè egzekitif òganizasyon dwa moun nan pè Gardy MAISONNEUVE, nan zòn sa-a sèten moun pran plezi troke sa yo kiltive pou zam.
Militan dwa Moun nan prevwa sitiyasyon sa-a kapab ògmante fènomèn ensekrite si pa gen mezi ki pran san pèdi tan.

6.-Popilasyon nan komin gresye leve jwenn kadav 3 jenn gason mouri mare ak yon bal nan tet ,aye madi a .
Majistra Roosvens Massenat Desmornes ki te fe konsta legal yo pat jwenn okenn pyes idantite sou kadav yo.
Dapre youn nan fanmi viktim yo kite rive sou plas ,li fe konnen Roland Doirin , youn nan jenn gason ki mouri asasine yo , li 24 lane ,se yon chofe moto ki abite bwochet 99 .

7.- Konsèy Elektoral Ariel HENRY a nan enpas. Pou pi piti, 7 pami 9 sektè ki te prevwa nan akò 11 septanm 2021 an pa bay okenn swit favorab ak demach laprimati ki envite yo chak, dezinye 3 moun kote youn nan yo ta sipoze reprezante yo nan KEP a.
Se Konferans Episkopal, Kilt Refòme, Laprès, Sekte Dwa Moun, Sekte Peyizan ak Dyaspora. Apre majorite estrikti ki te resevwa lèt premye minis Ariel HENRY, Federasyon Pwotestant Dayiti, reprezantan ofisyèl Kilt Refòme yo, mete aksan sou fenomèn ensekirite-a ki pa sispann fè viktim nan mitan popilasyon an, kòm prensipal rezon ki jistifye pozisyonl yo a.
FPH envite premye minis Ariel HENRY pran bon jan mezi prese prese, pou rive mate fenomèn ensekirite-a, anvan menm li ta panse tanmen ak yon pwosesis elektoral nan peyi-a. Nap gen poun swiv yon papye ak Johnny Ferdinand .

8.-Ministè Travo Piblik, Transpò ak Kominikasyon siyen madi 19 oktòb 2021 an, yon antant pou modifye kontra ant 2 fim konstriksyon fransè ak ayisyèn Groupement Matière ak ECCOMAR.
Sa ki pral pèmèt fim sa yo pase pito ak konstriksyon yon pon pwovizwa ak pon Dumarsais ESTIME (Pon Grandans) ki te andomaje pandan pasaj tranbleman tè 14 out pase-a. Se bank mondyal kap finanse travay sa-a pou yon kantite 30 milyon dola ameriken, dapre minis travo piblik la-a. Wilson EDOUARD pi lwen fè konnen, etid ka fèt pou pon definitif la-a pral tèmine, kote se BID kap genyen pou finansel.

9.- Modod grèv Sendika chofè transpò yo lève. sendikalis yo prezante yon bilan pozitif pou dezyèm jounen an, yo estime ki reyisi a plis pase 80%.
Reponsab Brigad Sendikal Anti Koripsyon an, Dume SONSON felisite popilasyon, ki daprèl kontribiye pou reyisit mouvman sa-a.
Sendikalis la-a anonse divès lot fòm mouvman yap gen pou reyalize pou rive fòse otorite yo pran dispozisyon pou konbat ensekrite ak kidnaping nan.

Rédaction : Ganito FRANCOIS.
Réalisation & mise en ligne : Mysuel THIMOTÉE.