En Direct | Premye Okazyon | 23 Janvier 2023

Premye Okazyon | 23 Janvier 2023
Présentation : Dieuseul GUERRIER, Pierre Renel RENÉ (PRR), Lydie ALEXANDRE & Johnny FERDINAND.
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Titres
1.-Dosye kontene zam legliz episkopal la – Lapolis nasyonal d Ayiti atrave DCPJ anonse yo arete Rubens Vilmont samdi pase a swit ak yon manda pakè Pòtoprens te lanse kont li pou enplikasyon prezime li nan trafik zam ak minisyon, kontrebann, blanchiman lajan ak evazyon fiskal. Pou kounya Rubens Vilmont femen nan DCPJ an atandan yo transfere li bay lajitis pou swit legal yo. Pe Frantz Coles, Gina Rolls, jean Lovenie Louis, Jean Gilles Jean Mary ak Francois Simon se non 5 moun sa yo kite déjà arete nan kad dosye sa.

2.- Asasina 4 polisye wikenn pase a, nan Petyonvil – Premye minis Ariel Henry fè yon vizit senpati ak manm wo eta majo lapolis la, ayè dimanch la. Chèf CSPN nan prezante senpati li bay fanmi viktim yo ak kolèg polisye yo.
Direksyon jeneral PNH la sou bò pa l te sòti yon nòt pou denonse atak sa bandi ak gwo zam fè kont yon patwouy komisarya petyonvil, nan zòn metivye, nan francois ak Gros jean. Nan atak sa, 3 polisye : Octinal Gerald (30em pwomosyon), Luc Eliezer (20em pwomosyon ), Cejuste Duckens (24em pwomosyon) ak Staniclas Wiken (23em pwomosyon) ki disparet. Pandan menm atak sa, yon lòt polisye Pascal Guillaume (31em pwomosyon) soti blese.

3.- Lapolis anonse li arete Jickson Jacques alyas Ezechiel pou enplikasyon li nan trafik dwòg, ayè dimanch la, zòn ba avyasyon, komin Kap ayisyen. Se BLTS ki mennenn operasyon sa kote yo jwenn lakay endividi sa 200 gram poud ki sanble ak mariwana, plis pase yon milyon goud, 4 mil 741 dola ameriken, yon pistolè 9 milimèt ak yon Toyota 4runner 2014.

4.- Bandi ak zam kidnape Mike Mercier ak tout madanm li zòn delma 31, samdi pase a. Bandi yo ale ak li ak tout machin li. Paran li yo ki enkyete, ki pa gen mwayen mande ravisè yo pou libere viktim nan pou yo souple.

5.- Premye minis Ariel Henry kite peyi a ayè dimanch la, li ale nan peyi Ajantin, li al patisipe nan somè kominote eta latino-ameriken ak karayib yo (CELAC) k ap demare demen madi a, nan Buenos aires. Nan sousi pou ranfose lyen zanmitay ant peyi latino-ameriken yo, Ariel Henry, ap gen pou rankontre plizyè chèf leta ak gouvenman, nan kad yon seri rankont bilateral. Se minis ekonomi ak finans la, Michel Patrick Boisvert k ap gen pou jwe wol premye minis a.i.

6.- Fas ak ajitasyon tout kalte ki vini aprè CSPJ pa sètifye yon trantèn majistra pou abi otorite, absans entegrite moral ak koripsyon, ULCC deside aji. Direkte jeneral enstitisyon sa, mèt Hans Joseph, anonse li louvri yon ankèt sou patrimwan tout majistra ki pa sètifye yo, ki gen akizasyon blanchiman lajan sou do yo. Tout moun ki gen enfòmasyon pou ede ankèt la kapab rele nan 5656 oubyen nan bwat ou alète yon zak koripsyon ki plase nan enstitisyon an, daprè ULCC ki poze kesyon sou veritab lakòz ki fe pa janm gen swivi jidisyè ki fèt sou 20 rapo ankèt sou koripsyon ki al jwenn lajistis ayisyen pandan 2 denye lane ki pase yo.

7.- Yon delegasyon wo nivo ki te gen nan tèt li anbasadè fransè a, Fabrice Mauries, chita pale ak lidè pitit Desalin lan samdi pase a, nan rezidans prive li, nan komin milo, depatman no peyi a. Sitiyasyon kriz peyi a ap konnen dènye lane sa yo te nan mitan rankont sila ki dewoule nan respè yonn pou lòt, sin kwè ansyen senatè nò a ki evoke sa l rele yon vizit koutwazi enpòtan. Jean-Charles Moïse ki te pwofite eksprime dezakò li ak dokiman 21 desanm 2022 a, soulinye pou manm delegasyon yo Pati Pitit Desalin pare pou chita pale ak tout moun isit kou lòtbò dlo depi se enterè peyi Dayiti ki plase an premye.

8.- Ogmantasyon ka vyòl ak agresyon seksyèl yo nan depatman grandans peyi a se rezilta koripsyon, enpinite ak abi otorite ki genyen nan sistèm jidisyè a nan jeremi. Pou lane 2022 a, inyativ depatmantal kont trafik timoun yo(IDETTE) resanse 149 ka vyòl dokimante (vyolans seksyèl ak sekestrasyon) pami yo 131 ti fi ki gen laj ant 3 rive 17 lane epi 16 fanm ki gen plis pase 18 lane. Ka sa yo rive nan zon tankou Jemeri, Koray, Ansdeno, Pestel, Bomon, Chanbelan, Dam-Mari, Rozo ak Bonbon, daprè enstitisyon sa yo ki anonse yo deja anrejistre 8 ka vyòl pou sèlman 15 premye jou mwa janvye 2023.

Productions : Jean-Claude DOLCÉ.
Coordination : Peterson LUXAMA.
Rédaction : Dieuseul GUERRIER.
Réalisation & mise en ligne : Mysuel THIMOTÉE.