En Direct | Premye Okazyon | 23 Septembre 2021

Premye Okazyon | 23 Septembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1- Ayiti resevwa 3 nouvo vòl depòtasyon pou jounenn mèkredi 22 sektanm nan, kote kondisyon depòtasyon yo pa chanje, malgre kritik òganizasyon kap defann dwa moun yo. Men ak pye anchene, se konsa yo dépote migran sa yo. Malgre vye trètman sa yo, kèk nan yo pa ekate posiblite pou retounen ankò. Nap gen poun swiv yon repòtaj avèk Réginald REMY nan kòmansman jounal la-a.

2- Vis prezidant amerikèn nan deplore sa li rele imaj chokan, kote moun ki sou cheval ki tap maltrete migran ayisyen, pandan li fè konnen li apiye ak tout fòs li, bon jan ankèt ki deja tanmen nan san sa-a.
Kamala HARRIS pwomnèt pou diskite sou sa, jodi-a menm, avèk depatman deta, atravè sekretè Alejandro MAYORKAS,

3- Oganizasyon sosyo-Politik VIV AYITI estime lgen twòp maltretans, nan kad depòtasyon yo, kote menm fanm ansent ak timoun pa epanye, san konte dwa migran yo ki pa respekte, jan divès konvansyon nou siyen fè egzijans sa-a. VIV AYITI mande administrasyon Joe BIDEN nan fon kanpe sou depòtasyon an nan kontèks sosyo-politik ak ekonomik yo pa pèmèt peyi-a resevwa tout moun sa yo.

4- « 1250 moun arete pou divès zak pami yo kidnapping, 26 zam sezi, 3 kamyon, 54 motosiklet poun site sa yo sèlman konfiske. » Se bilan operasyon mache pran yo, lapolis Mennen, soti premye out pou rive rive 20 septanm nan, dapre pòt pawòl polis nasyonal ka-a.
Marie Michèle VERRIER pwofite soulinye divès lòt operasyon lapolis mennen nan kwadeboukè ak nan sud peyi-a.

5- Plis pase yon dizèn sitwayen pèdi lavi, kote sèten abitan menm nan zòn nan pale de 14 moun. Se rezilta entèvansyon brital lapolis fè madi swa, nan moman yon tounaj videyo yon gwoup chantè ki tap fèt nan lari-a, nan zòn ravin pendad, dapre temwanyaj abitan nan katye sa.
Pou jounen mèkredi 22 septanm nan, sikilasyon an te preske enposib. Moun nan zòn nan te drese barikad, koupe lari-a pou denonse epi kondane konpòtman lapolis. Jean-Paul LUNDI ak Danio CLLERGER te rann yo sou plas nan katye sa-a, kote fanmiy yo plonje nan gwo tristès apre dram sa-a. Nap gen poun swiv yon repòtaj nan jounal la-a.

6- Depi plizyè jou, sikilasyon an vrèman difisil nan kèk zòn nan pòtoprens akoz gwo blokis ki genyen. Chofè machin, motosiklèt ak pasaje yo ap konnen yon kalvè chak maten ak chak aprè midi.
Paran ak élèv lekòl yo pa vrèman epaye anba fenomèn blokis la. Mete sou wout ki pa genyen ak pano siyalizasyon yo ki pa fonksyone, rate gaz ki gen nan peyi-a depi kèk tan, se youn nan prensipal rezon ki bay blokis la, nap gen pounswiv yon repòtaj avèk Peterson LUXAMA nan jounal la-a.

7- Pa genyen okenn oganizasyon ak pati politik kap siyen akò avek premye minis AIREL HENRY nan objektif pou jwenn moso gato, aloske yo pa pran an konsiderasyon ansanm revandikasyon mas popilè-a. Oganizasyon soyon-Politik VIV AYITI nan sans sa-a, lanse yon pinga bay tout sila-a ki panse yo entelijan.

8- « Premye minis defakto-a Ariel HENRY pa gen okenn lejitimite pou pibliye nan jounal offisyèl peyi-a,, « Le Moniteur » antant ki jwen ak gwoup zanmi’l yo sou baz akò politik soti kriz. » Se pozisyon pati politik FND ak òganizasyon dwa moun OCNH.
Antoine Rodon BIEN-AIME ak mèt Camille OCCILUS denonse akò Ariel HENRY a, nan atik 10 ki anonse fòmasyon yon komisyon pou ki vize jwe wol palman.
AYITI-Migrasyon-Depòtasyon/ Réginald REMY

9- 3 nouvo vòl depòtasyon pou jounenn mèkredi 22 sektanm nan. Kondisyon depòtasyon yo pa chanje malgre kritik òganizasyon kap defann dwa moun yo.
Men ak pye anchene, se konsa yo dépote migran sa yo. Malgre vye trètman sa yo, kèk nan yo pa ekate posiblite pou retounen ankò.
Réginald REMY ap di nou plis detay nan yon repòtaj

Réalisation et mise en ligne : Mysuel THIMOTÉE