En Direct | Premye Okazyon | 24 Février 2022

Premye Okazyon | 24 Février 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Yon jounalis mouri anba bal ak 2 lot blese se bilan manifestasyon ouvriye faktori yo mekredi 23 fevriye a ,zon wout ayopo.
Jounalis Maxiben Lazarre mouri aloske Sony Laurore ak Yves Moise soti blese ak bal pandan 5em jounen mobilizasyon ouvriye yo kap egzije 1500 goud kom sale minimom. lapolis te itilize gaz lakrimojen pou kraze mouvman ouvriye yo.

2.- Premye minis Ariel Henry deplore lanmo jounalis lazarre maxiben epi raple responsabilite fos lod yo pou retabli lape . Ariel Henry kondane tou zak vyolans ki lakoz plizye moun blese . Li prezante senpati li bay fanmi viktim nan ak lot viktim yo pandan lip ran angajman pou garanti libete pou moun manifeste ,nan respe la lwa ak vale repibliken yo.

3.- lapolis nasyonal anonse gen yon anket ki louvri ,yon fason pou detemine nivo enplikasyon fos lod yo nan ensidan 23 fevriye yo kote yo lonje dwet sou polisye yo ki ta touye epi blese plizye jounalis ki tap kouvri manifestasyon ouvriye yo.
Komise gouveman potoprens la déjà ekri direkte DCPJ a pou louvri yon anket sou sikonstans lanmo ak bal jounalis Maxiben Lazarre ,23 fevriye 2022 a.

4.- Sitiyasyon tansyon jounen mekredi a ,nan zon fontamara kote chofe taksi moto ak lot sitwayen te bloke sikilasyon an , yo te kwaze machin anpil kote sou wout la .
Mouvman sa se te pou pwoteste kont lanmo 3 jenn gason nan zon tijo. Pwotestate yo voye jete akizasyon bandi ,kdinape lakoz lage sou do viktim yo.

5.- Nap raple lapolis nasyonal dayiti te anonse yo dejwe yon tantativ kidnapin gras ak entevansyon inite espesyalize yo nan DCPJ kote 3 jenn gason te mouri nan echanj kout zam ak lapolis lendi 21 fevriye pase a ,nan zon tijo.
Youn nan prezime bandi yo se yon seten Francis Sainton alyas Tico ki akize nan dives zak anlevman ak sekestrasyon. Yon pistole mak smith et wesson kalib 9 milimet ak yon motosiklet sezi pandan operasyon sa ,dapre enstitisyon lapolis la.

6.- Lapolis kwadebouke mete anba kod Christopher Alexandre alyas watoto ,nan zon duval , pa two lwen lise Jean Jaques Dessalines.
Lapolis tap cheche endividi sa kise manm gang 400 mawozo pou enplikasyon prezime li nan dives zak sasinay pami yo ajan UDMO Jean Caleb Amos Innoncent ak komise Auguste Ismagne nan komin kwadebouke ,pandan mwa janvye pase a.

7.- Bandi ak gwo zam tire anpil kout bal sou lokal petit seminaire college St Martial nan moman elev yo tap swiv nan sal klas yo ,jounen mekredi a.
Plizye foto ak video kap sikile montre nan ki nivo elev yo twomatize , anpil enpak bal nan mi ak barye lekol sa ki twouvel nan zon chamas potoprens ,pa twolwen ak pale nasyonal ,katye jeneral lame a,direksyon depatmantal lwes polis la ak minister enterye.

8.- Plizye kretyen pwotestan te mache nan lari kapital la pou egzije liberasyon paste Lochard Remy ak tout lot moun bandi ak zam kidnape.
Pwotestate yo ki tap denonse fenomen ensekirite a prensipalm,an zak kidnapin yo te soti kwadebouke pou al bout devan legliz paste Lochard ,nan zon avnu Christophe.

9.- Grèv san limit nan lopital general la déjà sou twazyèm jounen li , grevis yo pa antann leve mouvman an toutotan revandikasyon yo pa satisfè.
Yon mouvman pou egzije lajan aryere salè leta dwe yo ak pi bon kondisyon travay .. Mouvman Grèv sila deja gen gwo konsekans sou fonksyonman lopital la kote tout aktivite yo rete paralize depi lendi ,nan pi gwo sant hospitalye peyi a.

10.- Konsèy elektoral provizwa pa menm gen lajan pou achte gaz mete nan delko pou alimante entitisyon an dapre kirekte egzektif KEP a ki fe konnen anplwaye yo pa touche depi mwa oktob 2021.
Anplwaye yo menm menase kanpe travay,dapre Max Délices ki fe konnen sant Tretman ak verifikasyon enstitisyon elektoral la kontinye ap travay pou mete yo prè nan pespektiv prochen eleksyon yo.

Rédaction : Dieuseul GUERRIER.
Réalisation et mise en ligne : Mysuel THIMOTÉE.