En Direct | Premye Okazyon | 26 Octobre 2021

Premye Okazyon | 26 Octobre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Paste Jean Pierre Ferret Michel ak Norman Wiener libere aswe lendi a ,apre 23 jou yo pase anba men ravise yo .
Bandi ak zam kite abiye ak inifom lapolis te kidpnape paste a ak 2 lot manm asanble a dimanch 3 oktob pase a, nan lakou legliz Jesus center a ,nan delma 29 .
Apre yon premye ranson bandi yo te libere youn nan otaj yo epi kenbe 2 lot yo, pami yo paste Jean Pierre Ferret Michel . Pa gen twop detay sou kantite lajan ki ta bay pou libere 2 otaj yo.

2.- Liberasyon paste Jean Pierre Ferret Michel la fet menm jounen apre entevansyon « Minis enteryè ak kolektivite teritirya la-a, ki se an menm tan, minis jistis a.i peyi a, Liszt QUITEL ki selon RNDDH pa ta inosan nan anlèvman pastè a .
RNDDH fè konenn li genyen bon jan eleman ki pwouve aklè, enplikasyon minis enteryè-a nan zak kidnaping ki fèt sou pastè legliz Jesus Center a ak 2 fidèl legliz la. Oganizasyon kap defann dwa moun nan sèlman egzije demisyon minis la-a, pou fasilite direksyon santral polis Jidisyè (DCPJ) fè travay li.

3.- Liszt QUITTEL, sou bò pal kalifye akizasyon kap peze sou dol yo kòm machinasyon politik pou fòsel demisyone.
Direktè egzekitif RNDDH la-a, Pierre ESPERANCE, revele Liszt QUITEL jwenn sipò premye minis Ariel HENRY, yon ansyen prezidan an ak yon ansyen senatè repiblik .

4.- Ansyen depité sikonskripsyon kale jakmèl la-a, Franck LAUTURE di li konstate premye minis defakto-a, Ariel HENRY pa genyen okenn kapasite pou mennen bak leta-a.
Ansyen palmantè-a estime tou, chèf gouvènman pa genyen moralite pou kontinye dirije, sitou pa rapò ak soupson enplikasyon prezime Ariel HENRY nan asasina ansyen prezidan ak non minis jistis la ki site nan zak kidnaping.
Ansyen palmantè-a kwè gouvenman sa-a pa enspire konfyans ni yo pa genyen ase moralite pou angaje leta. Pou ansyen depite-a Ariel HENRY dwen konstate li pa kapab dirije epi kite pouvwa-a.

5.- aktivite yo te paralize nan zòn metwopolitèn pòtoprens la-a, lendi maten an. Nan divès ri nan kapital la-a, anpil barikad, kawotchou tap boule depi nan maten, san konte anpil kout zam ki tap chante nan divès kwen tankou nan zon ba delma ak kafou shada.
Yon mouvman divès ògnaizasyon sendikal nan sektè transpò-a pou kontinye di non ak rate gaz la-a, men tou, kontinye fòse otorite yo pran dispozisyon pou frennen fenomèn ensekirite-a ak zak kidnaping nan ki pa sispann simen dèy nan mitan popilasyon an.

6.- Alòske yo te anonse yo kanpe travay ilimite pou pwoteste kont fenomèn ensekirite ak zak kidnapin yo, Asosiyasyon Chofè Pwodwi Petwolye Dayiti yo deside fon kanpe sou demach sa-a, depi samdi 23 oktòb la-a, dapre pòt pawòl ACPPH a la-a.
Dapre Jean Claude PIERRE, ACPPH pran mezi sa apre chita pale ki te gengen ak ministè defans epi direktè jeneral BMPAD la-a, ki pwomèt genyen dispozisyon ki ap pran pou garanti sekirite yo.

7.- Gang ak zam yo sanse pran kontwòl mache pwodwi petwolye-a. 50 milyon goud, se kantite lajan chèf gang Waf Jérémie an, Micanord ensikoni, manm G9 an fanmi ak alye mande pou kamyon gaz yo rive kite tèminal Varreux a, nan site solèy.
Akote zak kidnapin yo itilize pou rantre gwo kantite lajan, definitivman, nèg ak zam yo deside pran kontwòl mache gaz la-a.

8.- Minis afe etranje ayisyen an ,Dr Claude JOSEPH pale ak omolog li Kaminaj smith nan peyi jamayik sou arestasyon prensipal sispe nan asasina prezidan Jovenel MOISE la semen pae a .
Ansanm 2 minis afe etranje yo gade prensipal mekanis ki gen pou we koman yap transfere sitwayen kolonbyen Mario Palacio Palacios an ayiti,yon fason pou li kapab vin reponn kesyon lajistis peyi dayiti .

9.- Dwayen tribinal sivil potoprens la,Met Bernard Sainvil ,mande pou anile tout manda ak mezi entediksyon kite pran kont plizye manm sendika SPNH-17 la ak fantom 509 yo.
Aksyon an refere sa te gen pou we ak Jean Elder Lundi, Pascal Alexandre ak Yguens Lamarre .

Rédaction : Ganito FRANCOIS.
Réalisation & mise en ligne : Mysuel THIMOTÉE.