En Direct | Premye Okazyon | 27 Juin 2022

Premye Okazyon | 27 Juin 2022
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Plizye milye patizan fanmi lavalas te okipe beton an,nan potoprens aye dimanch la –Ak pankat nan men manifestan yo tap reklame ansyen prezidan Jean Bertrand Aristide kom prezidan tranzisyon an.
Manifestan yo kite pase nan dives ri nan komin delma te pwofite denonse ensekirite jeneralize ki genyen nan peyi a san bliye lavi che ak grangou a kap tou pizi majorite popilasyon an.

2.- Apen li soti patisipe nan manifestasyon patizan fanmi lavalas yo tap oganize nan lari kapital la , militan politik Garry Philemond mouri asasinen ak plizye bal nan zon delma 29.
Garry Philemond se youn pami 6 prizonye ki pase 2 lane nan penitansye nasyonal ak ansyen depite Arnel Belizaire.
Garry Philemond te pase 2 lane nan prizon , lapolis te arete li menm ak plizye lot kanmarad li pami yo Arnel Belizaire , nan vil jakmel 30 novanm 2019 poutet yo te genyen nan machin yo zam la lwa pa rekonet epi ki ta nan asosyasyon malfekte ak konplo kont leta.

3.- Lapolis nasyonal dayiti konfime arestasyon prezime chef gang baz pilat la ,Ezechiel Alexandre aye dimanch la , nan zon plas jeremi,potoprens.
Se yon patwouy BRI ki mete anba kod chef baz pilat la epi transfere li nan DCPJ kote lap gen pou reponn kesyon ankete yo.

4.- Lapolis nan komin kafou arete epi transfere bay otorite yo nan jakmel , Jean Iva Domond aye dimanch la. Sitwayen sa akize kom moun kite touye ak yon bal nan tet ekolye Jean Marson Romelus ,11 lane, nan lokalite mon oge ,premye seksyon bas cap -rouge , komin jakmel, 19 jen pase a.
Domond Jean Iva fet 27 me 1956 nan jakmel, li se enfimye de pwofesyon, li te travay pandan plis pase 11 lane pou biwo federal ozetazini.
Natiralize ameriken , Jean Iva Domond ap gen pou reponn kesyon lajitis ,dapre komise gouvenman jakmel la, met Lionel Cherima kite déjà lanse yon manda damne kont prezime kriminel la epi te mande sevis imigrasyon pou entedi li kite peyi a.

5.- Nan vil okay – Jan sa te anonse patizan OPL ,manm PEN yo te manifeste aye dimanch la nan lari pou ezgije demisyon Ariel Henry nan tet peyi a ,debloke matisan ak pou denonse zak kidnapin yo ki pa epaye pesonn moun.
Youri Latortue ak ansyen depite Antoine Rodon Bien-aime te reponn prezan nan sid peyi a kote ansyen senate Jean Marie salomon mande popilasyon an pou rete mobilize.

6.- Zak kidnapin yo kontinye ap ogmante nan kapital la – Yon gwoup bandi abiye ak inifom lapolis kidnape 2 responsab Bacha Market nan zon nasyon aye dimanch la.
Abitan nan zon nan te drese barikad pou egzije liberasyon viktim yo . Bandi yo rantre andedan market la epi kidnape 2 responsab yo ,dapre temwayaj yo. Pa gen twop detay sou zak kidnapin ki komet sou Junior jean Joseph ki anba men bandi yo depi vandredi pase a.

7.- Bandi ak zam atake epi touye ak bal se Luiza Dell OTTO kif e pati kongregasyon petites sœurs evanjil yo samdi 25 jen an ,nan zon delma 19.
Blese nan moman atak la relijyez italyenn nan ki gen plis pase 20 lane an ayiti tal mouri sou kabann lopital . Se Luiza Dell OTTO tap travay kom pwofese filozofi nan gran semine notre dame dayiti ak lakay salezyen don Bosko yo.

8.- Lapli kife plizye joua p tone sou depatman lwes la lakoz gwo dega nan komin kafou , zon mawotye 73,bizoton ,waney 93 ak fontamara 43 kote plizye kay nan zon sa yo inonde.
Yon timoun mouri nan zon rivye froide ,dapre majistra Jude Edouard Pierre ki paret kritik kont pouvwa santral la ki abandone zon sid kapital la ki enpratikab . Nap gen poun swiv yon repotaj ak Jean Georges Blaise.

9.- Otorite dominiken yo libere 21 moun majorite ayisyen yo te arete wikenn pase a . Direksyon jeneral migrasyon te debake nan yon antrepriz kap fonksyone legalman epi arête tout moun yo te jwenn nan espas la.
James Jacques kap tann minister afe etranje ranplase li kom konsil jeneral nan Santiago te pase move moman anba men ajan yo nan moman li tap tante pote sekou ak konpatriyot nou yo . Nap gen poun pale ak James Jacques nan jounal la maten an.

10.- Pandan fenomen ensekirite ak zak kidnapping yo ap vale teren , lamizè,chomaj ak grangou kontinye ap mal mennen popilasyon an.
Aloske aye dimanch lan se te fet papa, Yvon , yon papa 2 pitit ap konnen move moman ak timoun yo ki pa menm ka manje.
Yvon ki pa gen nouvel manman timoun yo depi kek lane , anpil fwa blije bouyi mango vet pou bay tmoun yo manje.
Anne 15 lane , pitit fi Mesye sa ki paka sipote anko , ap chèche bourad bon samariten pou ede yo konbat la mizè san parey sa fanmi an ap konnen san prezans yon manman.
Nan okazyon fet papa a , Marc Guerson Philistin te pale ak fanmi sa , lap gen pou prezante nou Yon repotaj espesyal .

Coordination : Peterson LUXAMA.
Rédaction : Dieuseul GUERRIER.
Réalisation et mise en ligne : Mysuel THIMOTEE.