En Direct | Premye Okazyon | 27 Septembre 2021

Premye Okazyon | 27 Septembre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Bandi zam ak kontinye ap defye lapolis la- pandan yap teworize popilasyon an .
Se devan premye legliz Baptiste rue de la reunion ,kek met selman ak pale nasyonal bandi asasinen dyak Sylner Lafaille ,60 lane epi kidnape madanm li,Marie Marthe Laurent,aye dimanch la .
Viktim nan ki apen sot antere manman li tap tante opoze ak anlevman madanm li loske bandi yo tire li devan legliz la ,sa ki te kreye gwo panik lakay fidel yo .

2.- Ofis pwoteksyon sitwayen pa jwenn mo pou kalifye zak sa ki franchi limit tout sa yon moun ta ka panse
Nan not sa li mete deyo OPC eksprime kole li fas ak klima ensekirite a ki dejenere kote bandi ak zam ap asasinen moun ,anlve ak vyole moun .
kontreman ak pwomes san fondman opozon ak administrasyon Moise la te fe anvan 7 jiye 2021 ,kom kwa yap rezoud pwoblem ensekirite a apre depa jovenel MOISE ,sitiyasyon an sou plan sekirite vin pi grav ,dapre ofis pwoteskyon sitwayen .
OPC ki denonse asasina dyak Lafaille ak anlevman madanm viktim nan lanse yon appel bay diferan sekte nan lavi nasyonal la pou pwononse yo sitiyasyon kritik peyi a ap konnen jounen jodi a .

3.- Federasyon pwotestant dayiti kondane zak kriminel sa ki fet nan rantre legliz baptiste la kote dyak Sylner Lafaille mouri aloske bandi yo kidnape madanm li ki tapral adore bon Dieu.
Federasyon an ki endiye denonse fenomen ensekirite san fwontye sa kap sakaje peyi a ,dapre paste Calixte Fleuridor ,prezidan federasyon pwotestant dayiti .

4.- Nap note se pa premye fwa bandi ap atake oubyen rantre nan legliz pou al kidnape fidel legliz pwotestan yo –
Jedi premye avril 2021,paste Audalus Estime ak 3 fidel li yo te kidnape pandan yap priye nan legliz advantis Galaad,nan dikini 63,nan komin kafou .
Bandi yo ta pral libere yo kont ranson dimanch 4 avril 2021 .

5.-Rezo medsen ayisyen diplôme nan peyi kiba yo (REMEHDIC) denonse anlevman konfre yod r Jean herby Lafrance ak tout fre li Mogene Marc Kenley ,jedi 23 septanm pase a ,nan zon tujo.
Zak anlevman sa pote atent direk ak medsen yo epi pwofesyonel sante yo kap travay nan tout kwen peyi a,dapre REMEHDIC .
Asosyasyon ki mande lot oganizasyon nan domen nan pou pwoteste kont zak sa envite medsen ak pwofesyonel sante kite etidye nan peyi kiba yo ak tout lot medsen nan peyi a pou kanpe tout aktivite yo apati madi 28 septanm nan jiskaske yo jwenn liberasyon Dr Jean Herby Lafrance ak tout fre li Mogene Mack Kenley .

6.-Youn nan kolaborate nou isit la nan radio Karayib ,Winchel Adrien manke kite po li nan delma 29 kote bandi ak zam atake li samdi pase a .
Machin jounalis la resevwa 2 bal men toutfwa li soti vivan nan atak sa . Nou aprann tou enspekte divizyone Donny Cyprien ,50 lane ,ta touye tet li ,dapre premye eleman enfomasyon yo samdi pase a ,lakay li nan komin gresye .

7.- Plis 400 majistra siyen yon petisyon ,yo voye bay premye minis Ariel Henry ak konsey minis yo ,pou egzije enstalasyon konsey CSPJ a ,yon fason pou kenbe ekilib 3 pouvwa yo .
Majistra ki siyen petisyon sa mande konsey minis yo ak PM Ariel Henry pou pibliye non konseye kite genyen eleksyon yo nan mwa avril pase a nan jounal ofisyel peyi a le Moniteur .
Nan petisyon sa,majistra yo mande pou resevwa prestasyon seman konseye yo pou evite sistem jidisye a ki disfonksyonel depi mwa jiye pase a bloke totalman .

8.- « Peyi Dayiti riske eksploze nan jou kap vini la-a yo, si pa genyen òkenn dispozisyon ki pran pou rezoud kriz plizyè dimansyon peyi-a ap fè fas depi kèk tan,dapre doktè Junot FELIX.
Pou jistifye sal di-a, responsab AKAO a mete aksan sou ansanm enstitisyon repiblikèn yo ki pap fonksyone nan peyi-a, san konte sal rele fòs egzekitiv yo li estime ki pa egziste ankò.

9.- Komisyon 13 manb ki travay sou akò Montana ap debouye yo kou mèt Janjak pou pèmet akò-a rantre an aplikasyon, nan pa twò lontan, dapre Joseph Joel LOUIS, youn nan manm estrikti sa-a.
Pou moman sa, biwo swivi akò sa ap travay pou rive mete kanpe Komisyon Nasyonal Tranzisyon kap gen pou resevwa kandidati pèsonaj kap gen pou fè pati gouvenman tranzisyon an.

10.- Nan dosye espesyal nou maten an – Plis pase 3 mwa depi plizye milye fanmi oblije kouri kite katye matisan ,swa dizan otorite yo jiska prezan pa poze okenn aksyon pou lape ta retounen tabli nan katye sa epi pemet fanmi yo retounen vin viv lakay yo.

Rédaction : Ganito FRANCOIS.

Réalisation & mise en Ligne : Mysuel THIMOTÉE.