En Direct | Premye Okazyon | 28 Mai 2021

Premye Okazyon | 28 Mai 2021
Prezantasyon : Roberde CÉLINÉ (Bob C.), Dieuseul GUERRIER, Pierre-Renel RENÉ (PRR).
Meteyo avèk Chrisnette SAINT-GEORGES
Kijan Potoprens leve maten an? avèk Mackenson RÉMY (4*4)

Gran tit ki fè jounal la maten an
1- Se tout sektè lavi nasyonal la ki dwe reveye yo epi kontinye lève vwa yo pou anpeche ak rejim PHTK sakrifye aki demokratik yo ak koze referandòm malatchong ki prevwa pou 27 jwen 2021 an. Se pozisyon Biwo avoka entènasyonal yo (BAI) ak MOLEGAF.
Si mèt Mario JOSEPH kwè li lè li tan pou sistèm peze souse ki la fini, MOLEGAF menase kraze tout biwo pouvwa an plas la ta enstale nan kèk katye popilè nan kad demach ilegal sa.

2- Referandòm enkonstitisyonèl. Menm jan ak sou tan tibobo, Louis Gonzague Edner DAY fè konnen: “Kèlkeswa moun ki ta pran lari jou referandòm nan epi atake materyèl referandòm nan oubyen mete dife nan yo se avèl lap genyen”.
Minis enteryè ak kolektivite teritoryal la-a, ki lanse yon pinga kont tout moun ki ta genyen entasyon, oubyen kap pare pou bòykote òganizasyon referandòm nan, raple lapolis ap sèlman genyen pou egzekite lòd li pase.

3- Alòske minis enteryè-a ap kontinye ap fè presyon, Ansyen Jean Aclush LOUIS-JEUNE ap pran dispozisyon pou kraze referandòm lan nan kominn dame Marie ak nan tout lot kominn nan depatman grandans la-a.
Ansyen palmantè-a ki ankouraje tout peyi-a mete yo sou pye militè yo pou fè fas kare ak pouvwa-a kap chache enpoze peyi-a yon lòt komstitisyon raple pwojè sa pap janm ka reyalize oken kote sou teritwa.

4- “operasyon degèpisman legal ak rebelyon nasyonal pou sove konstitisyon 87 la”. Se non mouvman Matris liberasyon dekrete pou kontrekare referandòm enkonstitisyonèl Jovenel MOISE la-a.
Antoinette DUCLAIR plede an favè yon tèt ansanm ant tout fòs viv nasyon an, pou rive debarasel anba grif rejim kriminèl sa-a.

5- Lavi chè-a ap vale teren nan kat kwen peyi-a. Pri pwodwi premye nesesite yo pa sispann mote tèt nèg, nan yon moman kote lajan ameriken an, li menm tou kontinye ap monte sou goud la-a.
Yon sityasyon ki bay gwo kè kase bò kote ti machann yo anba lavil la-a. Jean Georges BLAISE te rankontre yo, nap gen poun swiv yon repòtaj nan jounal la-a.

6- Lansman jedi 27 me 2021 an, yon salon anplwa pou samedi 29 me kap vini la. Yon demach ki vize fè pwomosyon pou entegrasyon moun andikape yo sou mache travay la epi sitou kontribiye nan respè kota 2% jan atik 44 lwa 2012 la sou entegrasyon moun andikape yo mande sa.
Dapre sekretè deta pou entergrasyon moun andikape yo, Soinette DESIR, atravè salon anplwa sa, responsab BESEPH yo konte mete an kontak plis pase 200 moun andikape ak anviron yon senkantèn chèf antrepriz.

🖥: Mysuel THIMOTÉE