En Direct | Premye Okazyon | 28 Octobre 2021

Premye Okazyon | 28 Octobre 2021
Présentation : Roberde CÉLINÉ (Bob C.), Dieuseul GUERRIER & Pierre-Renel RENÉ (PRR).
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Les titres
1.- Anpil gwo kout zam tire nan zon ba delma ,presizeman nan wout ki menn nan teminal Varreux a nan moman minis jistis peyi a akonpaye lapolis tal tante fasilite distribisyon gaz la.
Yon fwa gwoup bandi G9 yo te aprann sa yo te debake epi fose minis enterye a kite espas la anba gwo rafal bal malgre kantite polisye kite akonpaye li .
Se nan konteks sa , Etazini pral ede nan livrezon pwodwi petrolye yo an ayiti . Se pot pawol la mezon blanch la,jen Psaki ,ki revele peyi li pral akonpaye lapolis nasyonal dayiti ,yon fason pou sekirize wout kote kamyon yo ap pase pou al livre gaz yo.

2.- Etazini anonse yo ap deplwaye an Ayiti, yon bon kantite ajan espesyalize nan rekiperasyon otaj, kap gen pou vin travay ak otorite Ayisyen yo pou libere 17 misyonè yo.
Nan yon konferans li bay ayè Madi a nan Lamezon Blanch, Konseye Sekirite Nasyonal Etazini an, deklare : tout opsyon ki posib yo sou tab la.
Jake Sullivan fè konnen, Prezidan Joe Biden enterese anpil ak dosye sa a, e li swete sitwayen Ameriken sa yo rantre lakay yo san anyen pa rive yo.
Plis detay ak Luckson Saint-Vil, korespondan pèmanan nou Ozetazini…

3.- Fòs sendika pou sove Ayiti anonse 3 jounen grèv jeneral yo te tanmen an leve apati mèkredi sa, a 4trè nan aprè midi epi mete fen nan operasyon femen peyi a .
Objektif mouvman sa se te pou fòse gouvènman Ariel Henry an pran desizyon pou kwape zak kidnaping yo epi rezoud pwoblèm rate gaz la.
Sendikalis yo kondane silans otorite yo ki pa janm di ki mezi k ap pran pou rezoud kriz gaz la . FOSSA menase pou lanse yon lòt modòd grèv apati 3 novanm k ap vini la si toujou gen rate gaz sou mache nasyonal la.

4.- Kapital peyi a pòtoprens konnen yon lòt jounen lòk kote tout aktivite yo te preske paralize. plizyè zon nan rejyon metropolitèn potoprens la radyo karayib vizite, anyen pa fonksyone. Lekòl, inivèsite, labank ak makèt pa louvri pòt yo.
Transpò an komen an paralize, se kèk grenn machin trafik ak prive san konte chofè moto ki tap sikile nan pandan jounen 27 oktòb sa ki se dènye jou grèv plizyè sendika transpò te lanse pou denonse fenomèn ensekirite a ak rate gaz peyi a ap konnen depi plizyè mwa.

5.- Sant analiz ak rechech nan dwa moun ( CARDH) estime li nesese pou gen yon plan sekirite ak yon solisyon nan kriz gaz an ayiti ,dapre sa ki ekri nan rapo sa ki date 25 oktob 2021 .
Oganizasyon dwa moun nan egzote gouvenman Ariel Henry a ,sosyete sivil ak dirjan politik yo pou antann yo sou yon plan sekirite epi rezoud kriz gaz la .
2 dosye sa yo pa dwe politize, dapre oganizasyon kap defann dwa moun nan .

6.- Malgre sitiyasyon difisil peyi a ap travese ,Ariel HENRY mete aksan sou oganizasyon eleksyon jeneral ak chanjman konstitisyon an .
Chef gouvenman ensiste sou chantye sa yo ki selon li se yon priorite pandan yon rankont ak yon delegasyon biwo swivi ako Montana ,madi 26 oktob 2021 .
Diskisyon yo te pote sou konjonkti politik la,ensekirite jeneralize ki genyen nan peyi a ak kondisyon lavi popilasyon an kaap deteryore chak jou pi plis .

7.- Delege biwo swivi ako montana di yo regret patwon primati a pa fe okenn pwopozisyon konkret ki gen pou we ak yon solisyon nan kriz la.
Biwo swivi ako 30 out la ,an atandan pwopozisyon PM nan ki pwomet pou reyaji pa two lontan , anonse yap kontinye travay , yon fason pou mete kanpe 2 lot estrikti ki prevwa nan dokiman kise konsey nasyonal tranzisyon an ak ogan kontwol tranzisyon an.

Rédaction : Ganito FRANCOIS.
Réalisation & mise en ligne : Mysuel THIMOTÉE.