Premye Okazyon 6 Février 2023 | PNH la atake gang Vitelhome | 10 milyon goud prim sou tèt Vitelhome.

Premye Okazyon 6 Février 2023 | PNH la atake gang Vitelhome | 10 milyon goud prim sou tèt Vitelhome.

Présentation : Dieuseul GUERRIER, Pierre Renel RENÉ (PRR), Lydie ALEXANDRE & Johnny FERDINAND.
Météo avec Chrisnette SAINT-GEORGES.
Kijan Potoprens leve maten an? avec Mackenson RÉMY (4*4).

Titres
1.- Depi ayè dimanch la, lapolis nasyonal peyi a tanmen yon operasyon san kanpe kont gang Vitelhome nan kad operasyon Tornade 1 chèf polis la, sa gen plis pase yon semen–Poko gen twop detay sou bilan operasyon sa ki ta jwenn sipò avyon militè kanada k ap founi yo ansèyman sou gang yo. Wo kòmandman akonpaye plizyè inite nan PNH la ak seksyon anjen lou lapolis la mobilize, yo gentan rive nan youn nan prensipal baz gang Vitelhomme Innocent, daprè lapolis nasyonal d Ayiti.

2.- PNH la ofri 10 milyon goud pou moun ki bay enfòmasyon ak polisye ki ede mete anba kòd chèf gang Vitelhomme Innocent ki akize pou zak anlèvman, asasina, vol ak zam, vyòl ak tantativ asasina. Anvan sa se te yon milyon goud ki te sou tèt endivdi sa k ap teworize popilasyon an nan divès zòn tankou Torcel ak Pernier. Lapolis mete nimewo sa yo disponib nan ka yon moun ta lokalize chèf gang nan, nimewo sa yo se 29 48 1414, 29 95 1414, 29 98 1414 ak 29 99 1414.

3.- Avyon militè peyi kanada k ap vole syèl peyi a depi 4 fevriye gen kòm objektif deranje gang yo nan aktivite yo an Ayiti, daprè minis afè etranje ak defans kanada. Avyon sa ki vini pou soutni PNH la, yon fason pou retabli sekirite nan peyi a ap rete nan espas syèl la pandan plizyè jou, daprè otorite peyi kanada yo.

4.- Deba yo kontinye ap fèt nan mitan kominote entènasyonal la sou posiblite pou ta voye fòs multi-nasyonal vin ede PNH la konbat zak bandi yo. Otorite ayisyen yo pa sispann reklame yon fòs entèvansyon an Ayiti pou ede Polis nasyonal la konbat gang yo, tankou sa te fet nan Nasyon Zini ak Anbasadè Antonio Rodrigue, an pasan pa Premye Minis Ariel Henry nan 7e somè CELAC la nan Buenos-Aires an Ajantin-yon demand ki jwenn soutyen Helen La Lime, reprezantan sekrete jeneral Nasyon-Ini an Ayiti ki se anmenm tan chef BINUH (Biwo Entegre Nasyon Zini yo an Ayti).

5.- Dènye demand la se nan syèj Oganizasyon Eta Ameriken yo (OEA) nan Washington DC kote reprezantan pemaman Ayiti nan oganizasyon emisferik la, Anbasadè Léon Charles repwodwi demand fòs entevansyon an. Akote Etazini ak Kanada ki pa vle pran tèt yon misyon militè an Ayiti, gen plizyè lòt peyi ki di yo pare pou ede Ayiti, se ka peyi Salvador ki vle mete ekspetiz li aladispozisyon Ayiti; Bahamas te deja eksprime disponibilite li epi peyi Jamayik ki di li pare pou l patisipe ak militè epi polisye li yo nan fòs entènasyonal la an Ayiti.

6.- Pou sove lavi li-nan yon nòt vokal k ap sikile sou rezo yo, direktè jeneral sant nasyonal ekipman yo, Kinton Louis, mande DG-PNH la pou sispann operasyon l ap mennen nan fyèf bandi Vitelhomme yo ki menase pou touye l. DG CNE a, Kinton Louis twouve li anba men bandi yo depi samdi 4 fevriye a, yo te kidnape li, nan zòn Meyòt, pa twò lwen Metivye, komin Petyonvil kote yo pwofite piye lakay li.

7.- Antretan-Konfrè nou nan radio vision 2000, Jean Thony Lorthè ak 2 pwòch li pami yon frè li twouve yo anba men bandi yo depi avan ye vandredi pase a, nan zòn Laboul 12. Jounalis jean Thony Lorthe te kite lakay li pou pase zòn Boutilye, direksyon komin kafou, kote li te dwe asiste ak fineray yon bèl se li, ki chante ayè samdi a.

8.- Majitsra Jean Eddy Darang, jij nan lakou dapel Potoprens mouri swit ak yon AVC, samdi pase a, daprè asosyasyon nasyonal majitsra ayisyen yo. ANAMAH ki raple defen an se manm fondate asoyasyon an, prezante li kòm yon majitsra onèt ak konpetan.

9.- Joseph Firmin Bruno alyas Pouchon, ansyen kandida pou pòs depite limbé/bas-limbé, nan 50em lejislati a, mouri ayè dimanch la, Ozetazini, swit ak yon kriz kadyak. 44 lane, Joseph Firmin Bruno te kandida sou banyè LAPEH nan denye eleksyon yo.

10.- Se maten lendi a vè zòn 11zè, 3 manm wo konsèy tranzisyon an (Myrlande Manigat, Laurent Saint Cyr ak Calixte Fleuridor) ap gen pou enstale nan fonksyon yo nan kad aplikasyon akò 21 desanm 2022 a– Seremoni enstalasyon an ap dewoule nan 5em etaj ministè komès ak endistri a ki pral sèvi lokal pou manm HCT yo tou.

Productions : Jean-Claude DOLCÉ.
Coordination : Peterson LUXAMA.
Rédaction : Dieuseul GUERRIER.
Réalisation & mise en ligne : Mysuel THIMOTÉE.